பீகார் மாநிலத்தின் வீதியில் சமீபத்தில் அரிதான காட்சி ஒன்றைக் கண்ட அம்மாநில மக்கள் ஆச்சர்யத்தில் உறைந்தனர். அமெரிக்க அம்பாஸிடர் திமோத்தி ரோமர் தனது இந்தியப்பயணத்தின் போது பாட்னா சென்றிருந்தார்.பாட்னாவை சுற்றிப்பார்க்க சென்ற போது அங்கு அவருக்கு ரிக்ஷா கண்ணில் பட்டது. அதை ஓட்டிப்பார்க்க வேண்டும் என்ற ஆசை அவருக்குள் துளிர் விட்டது. உடனே அவர் தனது ஆசையை செயல்படுத்த விரும்பினார். ரிக்ஷாவை ஓட்டிப்பார்த்ததோடு மட்டுமல்லாமல் ரிக்ஷா ஓட்டுனர் இர்பான் ஆலமை அமெரிக்கா வர அழைப்பும் விடுத்துள்ளார். எனவே விரைவில் இர்பான் அமெரிக்க அதிபரை சந்திக்க உள்ளார். அங்கு நடைபெற உள்ள தொழில்நுட்ப வல்லுநர்கள் பங்கேற்கும் கருத்தரங்கிலும் இர்பான் கலந்து கொள்ள உள்ளார்.

பீகார் மாநிலம் பாட்னாவில் வசிப்பவர் ரிக்ஷா ஓட்டுனர் இர்பான் ஆலம். இவர் அகமதாபாத்தில் உள்ள இந்திய தொழில்நுட்ப நிறுவனத்தில் பட்டப்படிப்பை முடித்துள்ளார். புதுமையாக எதையாவது செய்ய வேண்டும் சாதிக்க வேண்டும் என்ற சிந்தனை இவருக்குள் எழுந்தது. இதன் விளைவாக உதித்ததுதான் ரிக்ஷா ஓட்டும் எண்ணம். பீகார் மாநிலம் முழுவதும் சுமார் 10,000 க்கும் மேற்பட்ட ரிக்ஷா ஓட்டும் தொழிலாளர்கள் உள்ளனர். இவர்கள் அனைவரையும் ஒருங்கிணைத்து வழிநடத்தும் இர்பான், இவாகளுக்கு தலைவனாகவும் விளங்குகிறார். இவர் தங்கள் வாடிக்கையாளர்களுக்கு ரிக்ஷாவில் பயணிக்கும் நேரங்களை பயனுள்ளதாகக் கழிக்க தினசரிகளை வழங்கினார். அதுமட்டுமல்ல வாடிக்கையாளர்களுக்கு தண்ணீர் பாக்கெட்டுகள் வழங்குவதையும் இவர் வாடிக்கையாக கொண்டிருந்தார்.

இது குறித்து இர்பான் கூறியதாவது:

நான் படிப்பை முடித்த பின் ஏதாவது தொழில் செய்ய விரும்பினேன். அப்போது உதித்ததுதான் ரிக்ஷா ஓட்டும் எண்ணம். செய்யும் தொழிலே தெய்வம் என்ற பழமொழிக்கு ஏறப இதில் மிகவும் ஈடுபாட்டுடன் செயல்பட்டேன். வாடிக்கையாளர்களைத் திருப்திபடுத்த செய்திதாள்கள், குடி தண்ணீர் பாக்கெட் போன்றவற்றை வழங்க முடிவு செய்து அதை செயல் படுத்தவும் செய்தேன். எந்த தொழிலாக இருந்தாலும் நேர்மையும் கடின உழைப்பும் நிச்சயம் வெற்றியைத்தேடித்தரும் என்பதை எனது தொழிலும் செயலுமே எனக்கு உணர்த்தியுள்ளது. எனது அடுத்த முயற்சி அனைத்து ரிக்ஷா தொழிலாளர்களுக்கும் வாழ்க்கையின் அடிப்படைத் தேவையான உணவு, உடை, வீடு என்பதை குறிப்பாக குறைந்த செலவில் சொந்த வீடு என்ற கனவை நிறைவு செய்வதுதான். அமெரிக்கா வருமாறு எனக்கு அழைப்பு வந்திருப்பதை நான் பெருமையாக கருதுகிறேன். அங்கு நடைபெற உள்ள கருத்தரங்கில் கலந்து கொள்வதன் மூலம் உலகில் உள்ள பலவேறு தொழில் முனைவர்களை சந்திக்க இருக்கிறேன். தொழிலில் மேலும் பல முன்னேற்றங்கள் செய்வது குறித்து அறிந்து கொள்வேன்.

 

பிந்திய 10 செய்திகள்

கைதிகளை விடுதலைசெய்யக்கூடாது என்ற சுப்பிரமணியசாமியின் கோரிக்கை நீதிமன்றத்தில் நிராகரிப்பு

தமிழ்நாட்டில் 1.3 லட்சம் பேருக்கு இலவச கியாஸ் இணைப்பு

நடிகை அனகாவிடம் காவல்துறையினர் விசாரணை

கள்ளு கடைகள் அனைத்தும் மூடப்படும்: கேரள மந்திரி அறிவிப்பு

ஷைனிஅகுஜா என்னை பாலியல் பலாத்காரம் செய்யவில்லை: வேலைக்கார பெண் பல்டி

ராஜஸ்தானில் மருத்துவர்கள் போராட்டத்தால் 57 நோயாளிகள் சாவு

சீமான் பேசியதில் தவறு எதுவும் இல்லை: வைகோ

தலைமையேற்க பாமக விரும்புவது காலம் கடந்த முயற்சி: திருமாவளவன்

ஒட்டுமொத்த தமிழ் சமுதாயத்துக்கும் திமுக ஆட்சி பாடுபட்டுவருகிறது: மு.க.ஸ்டாலின்

பி.சி., எம்.பி.சி. சலுகை பெற வருமான வரம்பு உயர்வு: தமிழக முதல்வர் உத்தரவு

'தமிழ்வின்' செய்திகள்

'விடுப்பு' செய்திகள்